أخبار عاجلة
جمهور محمد باش وتهنئة خاصة بألبومه الجديد بكل لهجات العالم

جمهور محمد باش وتهنئة خاصة بألبومه الجديد بكل لهجات العالم

حضّر عشاق النجم محمد باش من كافة أرجاء الدّول العربية وبلدان الإغتراب فيديو خاص حمل تهنئاتهم له على ألبومه الجديد “أنا المشتاق” بكافة اللهجات واللغات نشروه عبر موقع يوتيوب العالمي. وقد عبّر باش عن سعادته الكبيرة بهذا الفيديو الذي أثّر فيه إلى حد بعيد حيث نشر رسالة شكر عبر صفحته الرسمية على موقع التواصل الإجتماعي فيسبوك بكلمات صادقة نابعة من القلب جاء فيها:

لجمهوري وفانزي بس لوتعرفوا شو عملتوا فيني !!
رح جرب وصل بكم كلمة شو يلي صار فيني من بعد ما شفت هالفيديو.
بصراحة قلت لحالي فيديو من ٢٠ دقيقة والله طويل  بس قلت يلا لشوف شو رح يطلعلي بهالفيديو ..
من بعد ما بلشت إتخطى مرحلة المفاجأة وأنا عم بسمع أصواتكن وبلهجات بلادكن يلي بتجنن دموعي كرجت من عيوني وما عاد وقفت ، قلت لحالي يمكن لأن صرلي زمان ما بكيت؟؟!! .
بس عرفت بعدين إنو في مشاعر ما ممكن أي شخص يملكها أو حتى يقدر يحط حالو فيها .. في مشاعر بتخلق بلحظة وبتعيش فينا وبتصير موجودة بروحنا.
وإني كون قدرت إلمس قلوبكن بالطريقة يلي لمستوا فيها قلبي وكون قدرت بخيالي كون مع كل حدا منكون من أول لحظة اشتغلت فيها على ألبوم #أنا_المشتاق يلي هوي هدية كتير متواضعة قدام صدق مشاعركن و محبتكن يلي وصلت بأحلى المعاني.
بدي إطلب منكن إنكن دايماً تكونوا أقوى مني لأن منكن أنا باخد هالطاقة يلي بتخليني كون دايماً متواجد وبقوة. 
ولكل يلي اشتغلوا على هالفيديو وشاركوا فيه من كل البلدان ولكل جمهوري وحبايبي#باش_فانز ولكل مين بحب أغنية من أغنياتي, بشكركن وأصلاً كلمة شكر ما بتكفي وبتمنى تقبلوا مني هالكلمات .
وعلى فكره مشوارنا لسه بأوله وكونوا دايماً مستعدين لأن عنصر المفاجأة رح يكون سلاحي القادم

Loading...
إلى الأعلى