“ماحدش بيتقدملي”.. حورية فرغلي: أتمنى أن أعيش قصة حب

متابعة بتجــرد: كشفت الفنانة حورية فرغلي تطورات وضعها الصحي، بعد العمليات الأخيرة التي خضعت لها بأنفها.

وقالت حورية فرغلي لموقع القاهرة 24 المصري: “خلاص ما بقاش عندي عضم في القفص الصدري علشان أحطه في مناخيري، والحمد لله إني بقيت أشم وأتذوق، ولسه فاضل لي عملية واحدة في شيكاغو، لكن أنا راضية حاليًا بشكلي، ووصلت لحالة من الصفاء، واللي عاجبه عاجبه واللي مش عاجبه يغير المحطة”.

وعن سبب عدم مشاركتها في الكثير من الأعمال قالت: “مش بيتعرض عليا أعمال كتير زي الأول، لأن أنا مشكلتي إني ماليش علاقات في الوسط، وهمَّا كلهم في علاقات وتجمعات وماحدش بيعزمني في أفراح، ومش بحب أروح المهرجانات إلا لو عندي فيلم أو رايحة أتفرج على حاجة، وكنت أتمنى طبعًا أحضر مهرجان القاهرة السينمائي لكن ما جتليش دعوة”.

كما تحدثت حورية فرغلي عن الحب في حياتها قائلة: “أنا ماتجوزتش وماخلفتش ونفسي أعيش قصة حب، لكن محدش بيتقدم لي، وأنا أهم حاجة عندي الإنسان من جوه، وعمري ما فكرت في شكله، لكن الأهم يكون قلبه كويس ويراعي ربنا فيا ومايخوّنيش، ومش عارفة لسه موجود الصفات دي ولا لأ لكني سايباها على ربنا”.