أخبار عاجلة
غادة عادل: “كنت عبيطة ومفيش سينما نظيفة”

غادة عادل: “كنت عبيطة ومفيش سينما نظيفة”

متابعة بتجــرد: حلّت الفنانة غادة عادل ضيفةً على أولى حلقات برنامج “أنا والقناع”، الذي تقدّمه الإعلامية منى عبد الوهاب في الشهر الفضيل على قناة “الحياة”، حيث كشفت عن رأيها في مصطلح السينما النظيفة، مؤكدة أنها كانت “عبيطة” عندما صُنّفت ضمن النجمات اللواتي رفعن شعار السينما النظيفة في بداية مشوارها الفني.

وقالت غادة: “مفيش سينما نظيفة وسينما غير نظيفة، أنا كنت فعلاً عبيطة وهبلة لأني لقيت مفيش حاجة اتكسف منها”.

وأضافت: “أنا بقدّم شخصية رقاصة أو محجبة أو مدمنة وأياً كان الدور فأنا بمثل دور في فيلم من واقع معين، وحالياً بقيت شايفة شعار السينما النظيفة كلمة سذاجة، وخسرت أدوار كتير بحكم الشعار”.

واستكملت: “أنا حالياً بشوف إذا أنا حابة شخصية ودور هعمله مش هبص هو فيه إيه، وسبق وقلت إن الفنان حر يختار الأدوار، لأن ما ينفعش أشترط على المخرج والمؤلف، الأفضل أرفض الدور لو مش مناسبني”.

وعن سبب رفعها شعار السينما النظيفة، قالت: “كنا صغيرين وكان بيتقال لنا حاجات وداخلين في وسط جديد وفرحانين وبنسمع الكلام وننفذ”.

وكشفت غادة أن ابنها لامها بسبب مشهدها في فيلم “أولاد رزق 2″، قائلةً: “ابني لامني بسبب مشهدي في فيلم “أولاد رزق 2″، لامني لأني ما كنتش قايلة لهم وراح السينما يتفرج على الفيلم وقال لي ما كنتش أعرف، ولكن أنا فهّمته وقلت له مفيش حاجة اسمها دور جريء، الكلمة دي بتستفزني ولكن الفنان بيجسد الشخصية على بعضها”.

وعن طليقها مجدي الهواري، قالت: “بمدح فيه عن اقتناع ودلوقتي بمدح فيه أكتر لأنه ما عملش معايا حاجة وحشة… إحنا آه كنا بنتخانق والحياة والعيال ونوصل لطريق مسدود، ولكن اكتشفت رجولته الحقيقية مع الوقت”.

وأضافت: “كل سنة بتمر عليا دلوقتي بعد الانفصال بتأكد أن مجدي كان لازم يكون أبو ولادي، وسند ليا في كل مراحل حياتي ومش بلاقي غير كل الخير منه”.

وعن موقفها في حال تزوج مجدي الهواري بامرأة أخرى، قالت غادة عادل: “لو اتجوز هفرح له من قلبي، لأنه يستاهل ويستحق، قعد كتير تقريباً 6 سنين ما أتجوزش وعلاقتنا كلها مودّة ورحمة”.

ورداً على سؤال حول إمكانية زواجها مرة أخرى، قالت: “أنا ما أقدرش أقول لأ، لكن عندي اعتبارات كتيرة، لأن الأولاد ممكن يستوعبوا أن والدهم اتجوز وما يستوعبوش أن مامتهم تتجوز، خاصة أن ولادي رجالة وبنت واحدة، ومش هقدر أعملها قبل مجدي، لو مجدي عملها ده هيساعدني، لكن مش سهل عليا آخد القرار ده، وأحب أشوفه يتجوز الأول”.

من ناحية أخرى، أكدت غادة عادل أنها في الغالب إنسانة محظوظة، قائلة: “أنا محظوظة والقدر بيلعب كل الأدوار مع كل البني آدمين لكني كده كده محظوظة”.

إلى الأعلى