زينة لأحمد عز على الهواء: “هاخد حقي من حبابي عنيك”

بعد إصدار نيابة الأسرة  في مدينة نصر تقريراً مبدئياً يعفي الفنان أحمد عز من نسب توأم الفنانة زينه “عز الدين وزين الدين” له ردّت الأخيرة على الموضوع في مداخلة هاتفية مع المذيعة شريهان أبو الحسن مقدمة برنامج “ست الحسن” المذاع على قناة “ON TV”، أنها لم تكشف كل الحقائق حتى الآن حول أحمد عز، احتراماً منها أنه والد تؤامها وقالت: “عيب يا أحمد يا عز اللي انت بتعمله ده، فضحت نفسك وفضحتنا معاك، واللي انت بتعمله ده لا فيه رجولة ولا أخلاق، لأنك بتحارب ولادك الاثنين، اللي ميعرفوش الصح من الغلط، وكمان بتحارب طفلين وواحدة ست، اللي هي أمهم، اللي انت اتجوزتها، واللي أنت عارف الحقيقة”.

وتابعت: “من مصلحتك أنك تعترف بالحقيقة، لأني لو عرفت الناس حقيقتك، أنت مش هتعرف تمشي في الشارع، لأن الناس هي اللي هتحكم عليك وقتها”.

وأكدت: “أنا مش هسيب حقيقي يا أحمد عز، ومش هسيب حق عيالي وهاخده لاخر يوم في عمري، وهاخد حقي من حبابي عنيك، ومن مصلحتك أني آخد حقي وتبعد عننا”.

كما أكدت أنها أجرت تحليل الـDNA أكثر من مرة، وأجرته في الولايات المتحدة الأمريكية، وأن عز يعرف نتيجته، ولا يستطيع أن ينكرها، وأنها تفاجأت برد فعله فور عودتها من الخارج، والذي لم تكن تتوقعه.