“تعا بَوْرِد بقلبي”… نجوى كرم تغرق الحنين بدموعها

متابعة بتجـــــــــــــــــــرد: “بهالليلة بقدّملكن بدل دمعتي فرحة عيد الفصح بعد ما هو وأنا: شقينا سوا، فرحنا سوا، بنينا سوا هالعزّ، بس بكيتك وحدي بلاك، تيبقى الحب وحدو مشترك، منّي إلك بإمضاء ابنك كرم كرم..” بهذه الكلمات قدّمت شمس الأغنية اللبنانية نجوى كرم أغنيتها الجديدة في تحية إلى روح شقيقها نقولا كرم مع بداية أولى حلقات العروض المباشرة من برنامج “أرابز جوت تالنت” التي أغرقت إنطلاقتها بدموعها.

الأغنية تحمل عنوان “تعا بَوْرِد بقلبي” من كلمات نجوى كرم، ألحان جوزيف جحا وتوزيع طارق عاكف وهي من اللون اللبناني الجبلي الذي لطالما تميّزت به مسيرة نجوى كرم الحافلة بالنجاحات.

تستهلّ نجوى “تعا بَوْرِد بقلبي” بموّال عبّرت فيه عن مرارة الجرح الذي لا يشعر بقساوته إلاّ قلب المجروح ومنه تغني الحنين بكلمات لامست بصدقها قلوب الجمهور ومحبّيها الذين تناقلوا الأغنية بشكل واسع عبر المواقع الإجتماعية والصفحات الإلكترونية كافّة.

كلمات أغنية “تعا بَوْرِد بقلبي”:

تعا بَوْرِد بقلبي

ما بريد قلبي لو ختم جرحو يطيب
ولا بريد غير الجارحو يعمل طبيب

كيف لي قلب خلّي جرح قلبي يروح
وما ضلّ غيرو ذكر من عين الحبيب

تعا بَوْرِد بقلبي وضلّ
ضلّك لتشتّي الدّني
وان ما شتّت يا روحي ضلّ
ضلّك لتاني سنة

وكل ما قرّب يخلص صيف أهرب عمطرح شعلان
حتّى الصيف يلاقي صيف وتبقى بقلبي علقان
وعمرا ما تشتّي الدّني..

غرامك يا قلبي كبير قد ما بدّك قول وأكتر
لا تفكّر هالقلب زغير عندو حب وحبّو بيكتر
قد الرّمل لبالدّني..

خلّيني مغرومي فيك من قلبي عقلبي تسرح
ما تفكّر قلبي بيقسيك نقّيتلّك أجمل مطرح
والله هون بتغتني.. والله بقلبي بتغتني

للإستماع إلى أغنية “تعا بَوْرِد بقلبي”: